بنوريك الفلوس اللي فاضلة معاك بجد

في مصر، أغلب أوردرات الأونلاين بتتدفع كاش على الباب، بعد الطلب بكام يوم. في أوردرات بتترفض، وفي أوردرات بترجع. وكل شحنة ليها تمن شحن في الحالتين، ومنصات الإعلانات بتحسب أوردرات العميل عمره ما دفعها.

يعني رقم المبيعات اللي في الستور مش هو الفلوس اللي بتكسبها. الرقم الحقيقي متفرّق بين الستور وشركة الشحن وحسابات الإعلانات، وشيت بتعمله من الأول كل آخر شهر.

صافي بدأ جوّه براند هدوم مصري بيشحن بالدفع عند الاستلام، علشان يشوف الرقم الحقيقي ده كل يوم الصبح بدل ما يستنى لآخر الشهر. وبقى منتج لأن كل ستور بيبيع بالطريقة دي عنده نفس النقطة العميا.